小事：
今天在msn寫上”無哂信心"卻好快有feedback, 真係感動，多謝大家關心！
我咁樣寫係因為最近的design常被rejected, 他們沒有給足夠的原因就決定所有，一看就知純是個人喜好，我的target現在變成是他們了，好像沒有商量餘地，這樣過的日子實在是不開心。另外一見到那份草議完的appraisal, 真是可怕，我每做完一份job, 都要寫到要怎樣切合那8個competent, 以前做一份job, 重要的是怎樣做得好，做得適合，估唔到現在會利用job來表現自己有8種能力，然後計分，然後分類，然後我就變成一個分數，然後分數落實一切，分數等於我的grade, 等於我對公司有幾忠心，有幾好的business mind，等於我有幾creative solve problem, 等於有幾好的communication, 等於我有幾能適應變化....等於...好多個等於...我為什麼要等於一個分數，為什麼要為分數而爭取，為什麼我仍在這裡....就係咁，個心就是不能容忍，有時個心又會好冷漠，真係頂唔住了...就算現在寫出來都會感到慚愧，怕會被人看不起，我只感到這年頭不會好過。
夾餅人：
話說近來非常的忙，忙著一Ｄ無信心的job, 突然啊姐空降了另一份細job給我，是幫啊skywalk的，他是比較新的AM。好啦，快手做完send左以為完事，下午skywalk路過同我講個客好喜歡我做的banner, 想以後都用，希望我能另做一個600x800咁大的jpg俾佢，最好有埋個ai file...
因我太忙，沒有深思就應承左，但總覺有問題，問題是我啊姐唔知喎，咁你知啦，唔想再得罪自己啊姐了，咪將skywalk的email send左俾佢做reference，點知就出事，啊姐唔贊成他們要大file, 拒絕了，擋了。我埋位一陣，skywalk特意走來同我講：mirror, 如果你做得辛苦，你就出聲同我講丫...意思是為何要去到你啊姐度呀？個心的不滿在他臉上反映哂出黎...Ｑ.Ｑ“...講真丫，唔慣Ｄ人俾說話我聽，一向都係我俾說話人聽個喎，就係咁無端端硬哽了一野，唔爽！
唔鍾意講是非架，不過谷住好辛苦，仲辛苦過好多野做無氣透。
13 則留言:
兩個疑問
(1)點解唔可以俾大file人地呢？如果人地要做output呢？唔同俾個jpg人拎去做printing？
(2)點解有d人會以為同你好熟，點你做野可以skip左你阿姐呢？佢係咪黐線架呢？
唯有感歎，呢個世界黐線既人真係有好多。唯有接受，有黐線既人，自然亦有黐線的計分法。可能地球真係好危險，不如我地都係返去火星喇。
"點解唔可以俾大file人地呢" <= 其實好難講架, 會唔會同出面既PARTNER有關呀? 話唔埋唔想好似免費幫人地做GRAPHICS呢? 你話人地係EDB就話O者~
O個D俾說話你聽既人, 好白痴. 有咩不滿, 怪阿姐囉, 點解要怪D細既?!
比比, 你點呀, 好掛住你喔
呢件事未知background, 你阿姐既決定我no comment~
那位只懂出口術既人兄,我祝佢好運~
你地都要小心d~
唔俾file個客係因為：
﹣這個order原本只是做大窗口的size作為promo用的
﹣這個order沒有做job request的，唔知幾時突然飛出來
- 假如個客真的喜歡用這個design, 大可以從正常途徑申請要一個ai file.
﹣那個ger不滿我同啊姐講，因為他只想拍博頭就想攪掂件事，可能佢真係唔識公司這個rule.
- 原本只是俾啊姐做reference, 我唔知她會唔俾我出大file的，因為佢話擔心個客拎左我地的ai file會周圍用，周街貼...還會加減一些元素破壞左個design，然後有惡名都係會加在我地頭上...講到好嚴重, 講到尾其實都只係一個簡單到極的banner
- 我最錯是在通知啊姐前沒有支會到這個ger，所以被誤會，忙都死，仲要同佢地班大佬解釋程序，真想叫佢借過啦。
Mirror,
唔好為這些事唔開心, 我們公司越來越複雜, 你今次都叫有個 email, 有時有O的人真係得個電話, 口數就算... 看來大家做野都係小心O的, 以前自己人搞點的方法現在看來不行了...
話時話, 我地 team 到而家都好似未傾 goal setting, 咁呢段時間做O的野到時會唔會唔計數呢...
我最錯是在通知啊姐前沒有支會到這個ger --> no mirror, you should not blame yourself, it is he 側側膊 and neglecting the normal working flow.
嘩嘩嘩... 乜你地講到宜家間公司咁複雜既??? 真係同以前好唔同wor.....
mirror, "夾餅人"事件, 我覺得你唔使硬食skywalk 的指責wor, 你咪同佢講, 呢個係公司既程序, 幫佢之前, 一定要通知阿頭, 自己唔係唔想幫佢云云... 大佬, 呢個係事實嘛, 你使乜唔出聲硬食呢? (不過我諗你果時一定嬲到黑面, 費事同佢解釋啦)
各位, 聽落宜家你地都需要跟好多程序做野, 咁唯有大家小心d 啦, 唔好再諗番以前可以拍膊頭啦, 咪當新人事新作風lor, 大家所有野 black & white, 可能覺得好麻煩, 但換個角度諗, 都係保障自己既一個好好方法, 咁樣做野都會好開心d.
可能你地會覺得我呢個局外人唔明白你地既處境啦, 但我真係好希望你地開開心心咁工作! 因為每個人的生活中, 工作佔好大部分既時間, 如果唔開心, 真係好難捱, 所以唯有換個角度諗, 令自己開心d, 不然的話, 唯有另覓出路, 但要記住, 天下烏鴉一樣黑, 每間公司都有佢既問題, 呢個係事實, 所以要睇下自己在工作上追求d 咩先至決定點做呀!
祝大家開開心心!
呵呵呵!!!過左一日，又好似無咩感覺了，心情都算無問題，不過呢做野的野都係咁，好多時要踫過釘才會知，今日見大老闆(ＭＭ)的msn message裡寫住"do right things, right, the first time" 哈哈哈...我都想知係佢角度咩叫做right囉！
比：我叫做得小心架啦，起碼有問題時我會支會我的right people. hahaa
serina: 我沒有黑臉，我有即時解釋，但另一個腦同手仍然在做緊野，還好快地做左個300dpi 的 tif 同送多左個psd send俾佢，佢email回覆是: "Thank you very much. I understood the situations."
我雖然忙，但唔可以"恰"我！
mirror, 下? 你抖膽唔聽老細講, 私底下幫skywalk做左? 因住出事呀~~~
會出什麼事？就憑那個小到極的file? 唔聽啊ger話？她一定對的嗎？我才不怕呢，
u sure skywalk is the "right" people??? and won't put u on the table afterwards????????
haahaa....喂，點呀，我啊姐先係right people, 有事緊係找佢擋啦。
終於知道成件事..睇黎係個局!!..
發佈留言