今天又一次三team人開大會(system admin, program team, mm team)，由Ｎ老細主持，最後一part是沒有預備的voice out時間，即是要每個人都講翻Ｄ工作問題或是任何申訊...第一次接觸，沒有預備，腦裡空白一片，見部份同事都問了一些電腦upgrade的問題，又聽見話program第日要test埋mac機主要的browser--safari, 咁我就乘機問及我的Mac機第日都可能有需要upgrade一下，答案是唔會，公司不會再投資落Mac機度，主要是想全個部門align，咁system admin同自己team做野都方便Ｄ，N老細話公司唔想Ｄ人用著不同的"架餐", 我即時提佢那是一樣工具，還駁咀說不同工具但都可以做到要求，當然話一出，連我啊姐"pretty white" 都加埋把口加以解釋...話怕什麼由mac機儲存去其他pc機唔知會唔會有咩問題，無人知...場面冷清，心中都知不妙，沒有人support自己，變成又一次的孤兒仔，什麼的IT公司？連一部mac機都不能容納，我又衰衝動，句句頂撞，我真係好唔捨得唔用mac機，當佢係自己個仔咁，我話我原本就不是你們的team, 不要滅絕佢，話一出又引起他們的不快了...
我講得無錯丫，堅持係有一點，雖然得我一個人，無人幫，system admin的人都怕左攪部mac, 但基於一間同IT有關的公司，我認為他們是不應去逃避的，不過我亦相信小數服從多數，我這個小人物，還可撐到幾時？唔去upgrade部mac, 即是滅絕啦。我係咪太頑固呢，定係在這公司己沒有生存空間了。
5 則留言:
收mac機d file冇問題呀，咪又係咁用。
我相信係有d人個腦有問題而已。都唔係單一既事件。
Mirror,
知道你用左咁多年 mac 機, 要用番 pc 真係會唔慣, 明白你的心情. 不如你試試換個角度去想, 站於公司立場, 要管理兩類電腦, 尤其是當其中一類只佔小數, 所花的人力物力真係唔多化算, 所以先會有這樣的決定. 你不要轉牛角尖, 你在公司怎會沒有生存空間呢? 做人有堅持是好的, 有些事情必須要堅持的, 就如我們的信仰, 求主使我們看見祂的心意, 要我們堅持的是甚麼.
我也將萬事當作有損的、因我以認識我主基督耶穌為至寶。我為他已經丟棄萬事、看作糞土、為要得著基督．(腓3:8)
有沒有告訴過你，我中四那年，同班同學為了「悍衛」用慣了的課室，而攪罷課？那時覺得「調班房」真係一件大事喎！
我想，在office，電腦只係一件工具，用得順心固然是好；用不習慣，時間花多了，損失的是公司。你珍貴的，是個人對設計的知識、技巧和投入。不要讓膚淺又無謂的人，輕易把目光轉移，以為你只能依仗電腦工具！(那時候，你不只失去一台順心的電腦，而是損害自己的專業！)
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Flores Online, I hope you enjoy. The address is http://flores-on-line.blogspot.com. A hug.
的，kingyin, iris: 多謝提點，想通了，不和他們計較了，我希望我能upgrade對design的認識同經驗，電腦不upgrade那就算吧。
發佈留言