溝通技巧真的好緊要的，講起這個題目，真的好無奈，我知今天開會起碼得罪左最頂頭那位啊姐，當她成日問有無問題的時候，心裡一直都在盤算，好唔好唔出聲呢？終於出左聲，初初都okay, 後來就失去了平和....又出事了。唔出聲咪好喎，做咩要俾意見呢？ＥＱ又差，哎，溝通能力又弱......但係身為designer，見到問題又點可以不出聲呢，只是出左聲對方又唔buy, 咁講黎又有咩意義？
覺得自己得罪左人，就在放工前send左一些道歉的話俾粉人，回家決定做些research, 看看會否第日再同佢傾下，都係當無用的心態，佢未必聽得入耳，打定輸數好Ｄ，最緊要係不要動火......
（P.S 多謝張小美的意見同提點，我會反醒的)
5 則留言:
溝通嘛, 始終需要些實習, 需要些經驗. 加油哦!!!
我很明白你的感受，因我也常常是這樣。送你一句金句，是我的團友送給我的：
｢但你們各人要快快的聽、慢慢的說、慢慢的動怒．因為人的怒氣、並不成就 神的義。｣ (雅1:19-20)
願神在與人溝通這功課上加給你忍耐和智慧，努力呀！
停一停，諗一諗。
停一停，諗一諗。
停一停，諗一諗。
每次想爆發時，先停一停，諗一諗。
諗下點樣講，可以不傷人地表達到自己的意思。
打份工姐，講左你的專業意見，別人聽與不聽也好，都盡左自己本份啦。無謂動氣。
共勉之。
好欣賞妳即時send左封補救的email，呢個動作對我而言，有時都唔容易架!!!
其實良好的溝通和表達技巧講就天下無敵，真正做的時候真的非常困難，特別係我地呢D坦率的人。
King Yin 送給你的金句好好，我們要快快的聽、慢慢的說、慢慢的動怒．一齊學習啦！
你說出意見都只係為件事好
對方接受不接受,你都已盡員工的責任了
你是新成員,大家都在摸索雙方的脾性
今日上了一堂,下一次便懂以較適當的方法[討論]了
:D
發佈留言