8號風球

８號風球就好似有些人一樣，經常係不適當的時候出現，令人覺得很不便，食緊飯的時候掛了，真係激氣，一來在西環，要轉乘的士才回到公司，就又要趕住離開了，帶了點未完成的job回家，做不做都未知，只是帶著。

一來好似鬼域的地方，如今在好短時間內所有人出現在等車站，我算好運，行到車站已經上到架970，還有位座，最慘係有個地盤工人座在我隔離位，然後是全車都擠滿了地盤佬，他們是最開心的，在車上嘻嘻哈哈的...好彩有帶隨身聽，不至於侷暈加悶死，因為預左會塞車，過了一句鐘，去到油麻地地鐵附近，嚇然見到非常多的警察，警車同救護車，車上人認為是防禦演習，心裡覺得係唔係咁天真呀...不過好彩的係我沒有選擇搭地鐵，否則就三個鐘都回不到家了，在旺角落了車，不過真是羞家，十次有８次都落錯車，今次都不例外吧，仲係亂咁行，哎，終於去到火車站，又要面臨另一次的被壓成肉醬，所以呢，好討厭這情況下掛8號波囉，雖然換來半日假期，但用了差不多兩句鐘的車程，累死人了。

本來今晚有朋友飯局的，可惜因打風去唔到，當晚朋友打來，無里頭發爛，她認為打風都可維持飯局的，只是我地驚！@@" 同埋過了今天便無機會見面了，因她要回日本上堂，況且佢懷疑我都不是想見佢的...@@" 這樣的無情打擊，覺得好奇怪，哈哈哈...都只怪這風，吹得不合時。