自從隔離team經理無情情要改我title之後，
原本無咩信心的我，更加無信心了。
把心一橫，好衝動的打了個電話發出找工的消息，
唔知有無機會，但唔行動連小小機會都會無，
擔心憂慮不能打發走，今天的心很不願返工，
亦不情願地同人打招呼，心想著：唔通真要在這裡打一世工嗎？
受了委屈都要硬食嗎？為什麼今次不去爭取呢？
或者太累了，根本沒有力氣繼續爭持...
心又會想：假如沒人請我咁點算，轉行又可做什麼？
CV又未曾預備...現實結果又會是怎樣的一會事...
以前的我比較大膽勇敢，現在的我太不濟了，
現在只希望我在這兩個禮拜能預備好自己的CV就算是幫自己行多了一步了。
11 則留言:
可以轉咩title ah!? 你做設計,唔通轉你做editor 咩?唔好話我知佢ling 走你個senior wor....叫佢比番個manager同你交換就得.
senior就仲係度，咁咪即是senior multimedia designer了，我講得好坦白，multimedia不是我行的路，在這個階段並不是senior, 無謂夾硬加上去，同埋請我0個陣係graphic designer個喎，若然是multimedia designer就不會apply啦。
冇得同佢嘈嗎？
邊可以咁樣亂咁改title，要你真係有果方面經驗先可以用果個字架…
這個佢的解釋大概是：這裡若然每個designer都有其特長，咁咪有好多個title? 公司是不會這樣做的。若果突出個人的專長算是自私的。
她的這樣解釋，然則我再堅持是自私的... ~"~
haha,佢咁講就有得argue啦,就係因為唔應該突出每個人的專長,咁就唔應該用multimedia ,應該simply 用designer ...that is senior designer.
今天佢又不放過我了...
第一就是和我算賬，問我係咪同左其他啊ger講過這事。
其二就是問我不想轉title的理由，
最後佢話其實用不著你應承與否，title都一定會轉的...
佢實在令我太累了，對話中曾經解釋過我不想再重拾這件事了，覺得成件事很不舒服...我受夠了...
沒有解決的辦法，唯有拖住啦，我話hold住第日renew contract先講啦，這個女人真難應付。不過小道消息知道我第日會under佢，佢仲成日話要擴闊我工作範圍tim.
你要轉title一事, 我記得以前也試過了, 但最終你不肯, 結果沒有轉, 為什麼今次卻這麼軟弱呢?
我覺得這個不是"自私"或"不自私"的問題, 而是"正確"及"不正確"的問題, 令人誤會的title, 只會令與外間合作的夥伴混淆, 到時會損害公司的形象。
你將會under"她", 但"她"不是公司最高層吧, 可否再向高層反映? 拿出你的勇氣, 與他們講道理, 無論結果如何, 至少爭取過!
我撐你!
哎...以我的性格，係一定會爭取，只是太累了，同佢講的樣式是，佢有佢講，我有我講，中間好似有什麼隔開似的，我咩都清楚講到明，而佢就好像那些俾coins發聲的公仔，永遠都講著那幾個point, 咬著不放，仲成日問你明我的意思的，是嗎? 真離奇......
下星期我會找HR傾一次的，真的無端端玩咩野呢？又唔好玩0既！
我的精力不是用在這些地方的。
個條友講野不嬲都自說自話，廢話連篇架啦…唉
同你自己阿ger講係好正常一件事，你應該反問佢，既然公司想轉你title，點解你直屬的上司唔知？
designer確係有好多範疇，你要求一個正確符合你既能力、經驗和工作種類的title係正常不過，唔係自私唔自私既問題，唔該佢唔好人身攻擊和轉移視線啦。話你自私係想將一個唔合理既事情道德化，去令你唔再堅持而已。
很多人都跟那 ger 駁不上，講極都係溝通唔到，只因佢永遠在說著自己的 point，重覆又重覆。
有跟過別人說又怎樣？除非她在房在中 "keep it to yourself" 而你又答應了才就話。
這人真有趣，若然真如傳言你要 under 佢，現在還未 under 都如此霸道，到真的 under 時那還得了？
累也好，都要爭取到底，不然這人將來只會變本加厲。加油！為你所覺得正確的努力，我相信祂會給你力量走下去。You are not alone.
Pray for you!
發佈留言