昨晚在香港仔食完晚飯，毅然地想試下第一次坐電單車尾，
mirror實在是一隻細膽的兔，比小老鼠的膽子還要小，
坐電單車尾好....好緊張，因為住得遠的關係，而且一路食飯一路恰眼訓，
好想快點回家睡個夠，心卻是驚心動魄。
好了，先作好事前預備，同事好人，借了手套給我，加埋我的頸巾，加個頭盔，
可以開車了，嘩，倒後鏡見到亡命小巴....俾佢過啦，嘩，隔離巴士的車轆好大呀，
唔想夾在車底呀...嘩，轉彎呀，都係唔好睇啦，見唔倒，見唔倒，哎，幾時到呢~''~
輕鬆Ｄ...輕鬆Ｄ...
今日個膊頭好痛，都話叫自己輕鬆Ｄ啦。哎...
下次啦，再坐多幾次，都唔係好驚0者！
4 則留言:
mirror，你很大膽呢！我可是完全沒有此膽量！
我這個每逢乘車必訓的膽小鬼，一定ｗｅｗａ鬼叫，讓司機都趕我下車！
你果真要訓練多o的致得喎，
o的巴士其實同平日一樣o者，
只是你自己的角度不同，
所以，當你遇到唔開心的事時，
請學座電單車一樣，用別的角度去看，
世上不是有很多野是直得嬲/唔開心的。
記得在電影"Big Fish" 看過一段，那班細路在巫婆的眼球裡面得悉他們自己將來的死法，所以當他們之後要經過那個陰森的森林，被樹根纏著頸項時...他們靈機一觸，講左句，我們不是咁死法的, 哈，好快，所有陰霾都像被風吹走去，魔法立即像識破了，樹根都不再繼續糾纏...
我有時都會記得這一段，當要勇敢的時候，當那些心魔還纏著不放的時候，都會想著...我應該唔係咁死的...哈哈，變成mirror啊Ｑ，不過這方法幾好，有時自己最大的敵人咪係自己喎。
mirror係咪未訓醒先咁大膽架？
電單車... 我諗我都係唔敢坐 @.@
發佈留言